This is another master piece from Saifuddin.
Aabla_Pa aap kay liye khososi peeshkash.
is say pehlay kay tei nazr-e-karam
moazarat ki nigah ban jaye
is say pehlay kay teray baam ka husn
rafat-e-mehr-o-mah ban jaye
piyar dhal jaye meray ashkon main
aarzo aik aah ban jaye
mujh pay aa jaye ishq ka ilzam
or tu be-gunah ban jaye
main tera shehar chor jaon ga
is say pahlay kay sadigi teri
lab-e-khamosh ko gila keh day
main tujhe chara gar khiyal karon
tu meray gham ko la-dawa keh day
teri majboorian na dekh sakay
or dil tujh ko be-wafa keh day
janay main be-khudi main kiya poochon
janay to be-rukhi say kiya keh day
main tera shehar chor jaon ga
chara-e-dard ho bhi sakta tha
mujh ko itni khooshi bohat kuch hai
piyar go jawidan nahi phir bhi
piyar ki yaad bhi buhat kuch hai
aanay walay dino ki zulmat main
aaj ki roshni buhat kuch hai
is tahi damani kay alam main
jo mila hai wohi buhat kuch hai
[size=2]main tera shehar chor jaon ga
[/size]
chor kar sahil-e-murad chala
aab safina mera kahin thehray
zehar peena mera muqaddar hai
or tere honth angbeen thehray
kis tarha teray aastan par rukon
jub na paon talay zameen thehray
is say behtar hai dil ye hi samjhay
tu nay roka tha hum nahi thehray
main tera shehar chor jaon ga
mujh ko itna zaroor kehna hai
waqt-e-rukhsat salam se pahlay
koi nama nahi likha main nay
teray harf-e-piyam say pahlay
tor lon rishta-e-nazr main bhi
tum utar jao bam say pahlay
ye meri jan mera wada hai
kal kisi waqt sham say pahlay
main tera shehar chor jaon ga
Sajid