Anni Kunt'o Minnazaalimeen

Arts & Culture Poetry ( Intikhaab & Sho'ra-e-Gupshup)
1

This is my first poem after the opperation. Beirut kay halaat daikhtay hoye khud ko rok na saki.

Haye Beirut
Anni kunt’o minnazaalimeen

Woh ghar jo jal raha hai
Woh mera ghar naheen hai

Khandar jo ban geya hai
Woh shehr hai kisi ka

Jo bay amaa’n howa hai
Rahat kaddaa hai kis ka?

Jo soona ho raha hai aangan
Woh kis naggar ka?

Woh mera ghar naheen hai
Na mera shehr hai woh

Main tu hoon apnay ghar mein
Apni araam gah mein

Narm-o gudaaz gadou’n pay
Kuchh sotay jagtay say

Daikho zamanay bhar kay kuchh channeloon pay barpa

Kuchh shor

Kuchh sharaba

Kuchh meetingain, kuchh chehray

Kuchh bay naqaab chehray
Kuchh dar naqaab chehray

Kuchh ho rahi hai gaRd baRd
Kaheen bomb aur dhamakay

Kaheen aag aur dhuo’an sa
Kaheen goliyon ki taRd taRd

Kaheen raakh aur malba

Bachoon kay jismoon par anginat kharashain
Haye yah nazuk lashain

Keya ho geya hai inko?
Kiyon ghar ujaRd rahay hain?

Kiyon jism katt rahay hain?
Kiyon log marr rahay hain?

Kiyon log laRd rahay hain?
Kiyon meray pa’on apnay ghar say bahir naheen nikaltay?

Kiyon meray haath baRdh kar woh haath toRd naheen daitay?
Kiyon mera nutq chup hai?

Halaa’n keh daikhti hoon
Khanjar ba’dast dushman ab meray sarr pay aa geya hai

Aur meray ghar ki janib to woh kab say daikhta hai

Lekin yeh narm gadday
Yeh zarr nigaar parday

Yeh rahattoon ka maila
Na mujhko uthnay day ga

Na mujh ko bolnay day ga
Na sochnay day ga mujh ko

ChoRdo bhi

Badlo channel

Koi naghma-e mohabbat

Koi saaz-e tarab ki mehfil

Tension ko off kardo

Bass is mein khush raho keh
Yeh mera ghar nahi…

ChoRdo hakoomatoon par, yeh masla aalameen hai.
[RIGHT]**Shan.
4 August 2006.
**[/RIGHT]

2

Re: Anni Kunt'o Minnazaalimeen

Bass is mein khush raho keh
Yeh mera ghar nahi....

ChoRdo hakoomatoon par, yeh masla aalameen hai

Khna buhat kuch chahti hon magar is ky siwa kuch na kh skon gi ky ap ny ju kha,
"Bat tu Sach hy magar bat hy ruswai ki"
Hum Muslman aysy hi ho gay hain na jany kion?Buhat khub aghaz hy.Keep it up.

3

Re: Anni Kunt'o Minnazaalimeen

Shahana Saheba..... Khushbash,

I am Proud Of You...... Bohat Sangeen Mas'alon Ki Nishaandahi Ki Hai Aapne, Khudawand Apko, Aur Apke Qalam Ko Hamesha Sach Bolne Ki **Taqat Ata Farmaye, Aapne Meri Faryaad Ki Bhi Laaj Rakhhi Hai, Ke Hum **
(so called) Qalamkaron Ki Bhi Kuch Zimmadari Hoti Hai.

Khudara, Aur Bhi Dost Iss Topic Par Likhhain, Khwah Ek Sher sahi.

Darwesh.

4

Re: Anni Kunt’o Minnazaalimeen

:hinna: Keya kahain, hamaray hukmaran hi aisay hain.

Very well written.

5

Re: Anni Kunt'o Minnazaalimeen

Buhat He Khunchakan Dastaan Byan Key Hay Shahana G .... aap apnay irad girad honay walay halaat par gahri nazar rakhti hain ...keep it up ...

OMG : don't blame Hukmaran's ... bcoz it is us who made them hukmaran ...... Aur jo shakhas zulma sahta hay to woh bhi apnay ooper zulam karta hay .....

6

Re: Anni Kunt'o Minnazaalimeen

Aap logon ka shukriya meri kawish ko sarahnay ka.

Pehlay Afghanistan phir Iraq aur ab Beirut, iskay baad Shaam aur Iran...haye kis kis ko yaad karoon. Dil katta hai inkay baray mein soch kar.

Aap logoon nay baja farmaya, hamain is mozzo par zaroor likhna chahiye.

7

Re: Anni Kunt'o Minnazaalimeen

so tragic.

8

Re: Anni Kunt'o Minnazaalimeen

welldone shahana g,,,,,,,,merey pas ilfaz kam par gaye hain bolney k liye,,,,, kis tara sey tareef karun k tareef karney ka haq ada ho jaye aap ney jo ye nazam likhi hai is jazbey ko kharaj-e-tehseen pohanch jaye mujhey iqrar hai apni kam maigi ka k merey pas wo ilfaaz nhi hain ...............................

9

Re: Anni Kunt'o Minnazaalimeen

Bohut shukriya sarahnay ka. Sach karwa zaroor hai lekin bolna zaroori bhi hai.