Bherkayeein meri pyas ko aksar teri aankhein
sehra mera chehra ha ,samunder teri aankhein
phir kon bhala dad-i-tabussum unhey de ga
royein gi bahut mujh say bicher ker teri aankhein
bojhal nazar aati hain bazahir mujhay lekin
khulti hain bahut dil mein uter ke teri aankhein
ab tak meri yadoon say mitaye naheen mit.ta
bheegi howi ek sham ka manzir,teri aankhein
mumkin ho to ek taza ghazal aur bhi kah loon
phir oorh na leein khawab ki chadar teri aankhein
yoon dekhtey rehna usay acha naheen MOHSIN
woh kanch ka paker ha to pather teri aankhein
