I had written a small piece when Iraq was invaded. It seems nothing has changed for Muslims since then and perhaps nothing will change (for) Muslims ever.
**
Zaraa ye uftaad guzar jaey to phir socheiN ge
zulm ka selaab utar jaey to phir socheiN ge
hum ney kis morr pe manzil ki talab kho di thi
waqt ki raftaar thehar jaey to phir socheiN ge
kesey chin gai zamaaney ki qayaadat hum sey
apney haalaat pe nazar jaey to phir socheiN ge
amal ik khaab ban ke reh jaaey to kya hota hey!
neend ka jaal udharr jaaey to phir socheiN ge
ab bhi laana hey apni safoN meiN ittihaad ke nahi
aek aur mulk ujarr jaaey to phir socheiN ge! 
By: Amal
**