Hum aaisay marg talab bee na thay muhabbat meen
kay jaltee aag kay darya meen bay khatar jatay
yaqeen jann , miree jann hum thahar jatay
tumharee aankh kay aansoo thay,sell-e-aab na tha
chalak bee jatay agar rizq-e-khak ho jatay
misal-e-qatra-e-shabnam,chamaktay,kho jatay
raha vo harf-e-vafa jis kee sabz kompal par
tumharay bosa-e-lab say gulab jagay heen
so vo gulab to kompal say kat be saktay heen
so batt harf-e-vafa kee hay or na khuvaboon kee
na doltay hoay rangoon say pur gulaboon kee
samay kay charhtay hoay samander meen
sub ek pal kee haqeqat
sub ek pal ka sarab
diloon meen tarq-e-tamana ka hosla ho agar
to kaisa harf-e-vafa
or kahan kay khuvab-o-gulab !
rahay vo khuvab jo aankhon kay abgenon meen
dhanak kay rang liay doltay rehtay
so aaisay khuvab to aa kar palat bee saktay heen
ya kaisay dasht-e-nadamat meen ghir gay aay jann
kay ek to tarq-e-tamana ka hosla bee naheen
or us per ya bee qayamat
agar bafarz-e-mahal
tumharee rahh say phirnay ka hosla bee milay
palat kar jaeen kahan ghar ka rasta bee milay…
…