listened to Rahat Fateh Ali Khan’s ‘Maine usse dekha hai’ after a long time. The flow of the poetry an dcomposition is just superb. Thought to share some of other pieces written by Amjad Islam Amjad sung by different singers. Please contribute, if you know any such song, ghazal, nazm.
@madz124 @jiia @hybridkamal @Howzat
Re: Amjad Islam Amjad’s poetry by different singers
Maine Use Dekha Hai — Rahat Fateh Ali Khan - YouTube](http://www.youtube.com/watch?v=_P5Ehhmd1DM)
phoolon mein, rangon mein, khwaabon mein
maine use dekhaa hai
baadalon se guzarte hue chaand main chupke chalte hue
Bujhte taaron ke pehloo mein pichhale paher aankh malte hue
roshani ki taraf neem-va khidkiyon se nikalte hue
baghon mein shehron ki galiyon mein
maine use dekhaa hai
phoolon mein rangon mein khwaabon mein
maine use dekhaa hai
jab hawaa rut badalne ke ailaan mein laRkhaRaane lage
khilti kaliyon ke kaanon mein bhanwaraa koi geet gaane lage
aur jab khud bakhud dil mein ek aarzoo muskuraane lage
aise hi lamhon ki baahon mein
maine use dekhaa hai
phoolon mein rangon mein khwaabon mein
maine use dekhaa hai
Re: Amjad Islam Amjad’s poetry by different singers
http://www.paklinks.com/gs/attachment.php?attachmentid=15607&d=1336978202
**
Muhabbat aisa naghma hai
Zara bhi jhol ho lei main
To sur qaim nahin hota
Muhabbat aisa sho’ala hai
Hawa jaisi bhi chalti ho
Kabhi madham nahin hota
Muhabbat aisa rishta hai
ke jis main bandhne wale ke
Dilon main gham nahin hota
Muhabbat aisa poda hai
Jo tab bhi saz rehta hai
Jab Mosam nahin hota
Muhabbat aisa darya hai
Ke Barish rooth bhi jae
To Pani kam nahin hota
](http://www.youtube.com/watch?v=GJ4mdkyCMjU)MOHABBAT BY ABRAR UL HAQ - YouTube](http://www.youtube.com/watch?v=kolUWl7Q7YU)
Drama** Serial zaroorat - Promo - YouTube](http://www.youtube.com/watch?v=GJ4mdkyCMjU)
Re: Amjad Islam Amjad’s poetry by different singers
Yeh jo palkon pay rim-jhim sitaron ka maila sa hai
Yeh jo tairay bina koi ittna akaila sa hai
Zindagi tairi yaadon say mehka hua shehar hai
Sub muhabbat ka ik pehar hai
Sahilon pay gharonday banae thay hum nay
Tumhain yaad hai?
Rang barish main kaisay urae thay hum nay
Tumhain yaad hai?
Janay kis kay liye ghar sajae thay hum nay
Tumhain yaad hai?
Koi khushbo ka jhoonka idhar aa nikalta kaheen
Hota needon kay sehra main khoabon ka rasta kaheen
Har khushi aatay jatay huay waqt ki lehar hai
Sub muhabbat ka ik pehar hai
Zindagi dhoop chaon ka ik khail hai…bheer chat’ti nahi
Aur issi khail main din guzarta nahi…raat kat’ti nahi
Pyar kertay huay aadmi ki kabhi umer ghat’ti nahi
Dil ki dehleez par akse-e-roshan tairay naam say
Rat-jagay aainon main khilain hain kaheen shaam say
Aik darya hai charon taraf , darmiyan lehar hai
Sub muhabbat ka ik pehar hai
http://img24.imageshack.us/img24/9706/sabmohabbatkaekpeharhai.jpg
Sab Mohabbat Ka Ik Pehar Hai (Faisal Lateef & Waqar Ali …](http://tune.pk/video/2793668/♥-sab-mohabbat-ka-ik-pehar-hai-♥-faisal-lateef-amp-waqar-ali-ost-ptv-classic-play-hd)
Re: Amjad Islam Amjad’s poetry by different singers
http://i1093.photobucket.com/albums/i430/Morash00/Private%202/Threads%20Pictures/44_zps0d7932dd.jpg
Jo Kuch Bhi Hai Muhabbat Ka Phelao Hai
Teray Meray Abad Ka Kinara Hai Ye
Ista’ara Hai Ye
Roop Ka Daao Hai
Pyar Ka Ghao Hai
Jo Kuch Bhi Hai Muhabbat Ka Phelao Hai
Subha Dum Ji Ghari, Phool Ki Pankhari
Aus Ka Aaina Jagmaganay Laga
Aik Bhanwra Waheen, Dekh Ker Her Kaheen
Shaakh Ki aut Se Sir Uthanay Laga
Phool, Bhanwra, Talatum Hai, Thehrao Hai
Jo Kuch Bhi Hai Muhabbat Ka Phelao Hai
Khuwab Kia Kia Chunay, Jaal Kia Kia Bunay
Mauj Thamti Nahi, Rang Rukte Nahi
Waqt Ke Farsh Per, Khaak Ke Raqs Per
Naqsh Jamtay Nahi, Abrr Jhuktay Nahi
Her Musafat Ki Duuri Ka Simtao Hai
Jo Kuch Bhi Hai Muhabbat Ka Phelao Hai
Muhabbat Ka Phailao Hai | Tune.pk](http://tune.pk/video/2548693/muhabbat-ka-phailao-hai)
Re: Amjad Islam Amjad’s poetry by different singers
main teray sung kaisay chaloon sajna
tu samandar hai main saahilon ki hawa
tu mera haath hathon main lay lay chalay
mehrbaani teri mehrbaani teri
aahat se dil ka dareecha khulay
main deewani teri main deewani teri
tu ghubar_e_safar main khizan ki sada
tu samandar hai main sahiloon ki hawa
tu bahaaron ki khushbu bhari chaaon hai
main sitaara tera main sitaara tera
zindagi ki zamanat tera naam hai
tu sahara mera tu sahara mera
main ne sari khudai main tujh ko chuna
tu samandar hai main sahilon ki hawa
main teray sang kaisay chaloon sajna tu
samandar hai main sahilon ki hawa
tu chalay to sitaray b chalnay lagay
ansowon ki tarah ansowon ki tarah
khwab hi khwab ankhon main jalnay lagay
arzu_on ki tarah arzu_on ki tarah
teri manzil banay mera har rasta
tu samandar hai main sahilon ki hawa
main teray sung kaisay chaloon sajna
tu samandar hai main sahilon ki hawa
Main Teray Sung Kaisay Chaloon Sajna - Noor Jehan In …](http://www.youtube.com/watch?v=pky6dl0TkQE)
SADAF MUNIR - Main Tere Sang Kaisey Chaloon Sajna …](http://www.dailymotion.com/video/x1yvmcu_sadaf-munir-main-tere-sang-kaisey-chaloon-sajna_music)
Re: Amjad Islam Amjad’s poetry by different singers
hisab e umer ka itna sa goshwara hai
tumhain nikal k dekha tu sab khasara hai
kisi chraag mein hum hain kisi kanwal mein tum
kaheen jamal humara kaheen tumhara hai
**WOH KYA VISAAL KA LAMHA THA JIS K NASHAY MEIN
TAMAM UMER KI FURQAT HUMAIN GAWARA HAI
**
ajub asool hain is karobaar e dunia k
KISI KA QARZ KISI AUR NE UTARA HAI
kaheen pe hai koi khushbo k jis k hone ka
tamaam aalm e mujood istaara hai
**najane kab tha kahan tha mager yeh lagta hai
yeh waqt pehle bhi hum ne kabhi guzara hai
**
YEH do KINARE TU DaRIA K HO GAYE,HUM TUM
MAGER WOH KOUN HAI JU TEESRE KINARA HAI
Hisaab-e-Umer Ka Itna Sa Goshwara Hai TheLegend …
Re: Amjad Islam Amjad’s poetry by different singers
Re: Amjad Islam Amjad’s poetry by different singers
.jpg)
Re: Amjad Islam Amjad's poetry by different singers
her waqt mehnat waly kam nikalty raha kren
abhi to kapil chal raha hy
Re: Amjad Islam Amjad’s poetry by different singers
Kuch Rahnay Dia Ho to Share karaiN na 
Re: Amjad Islam Amjad’s poetry by different singers
http://cover.ijunoon.com/covers/u205053.jpg
PTV Drama "Girah" Ye Jo Reg-e-Dasht-e-Firaq he.mp4 …](http://tune.pk/video/2220546/ptv-drama-girah-ye-jo-reg-e-dasht-e-firaq-hemp4)
Re: Amjad Islam Amjad’s poetry by different singers
Lagan Lagi Tumse Dil Ki Lagan (HD) Best Quality Ever …](http://tune.pk/video/2667272/lagan-lagi-tumse-dil-ki-lagan-hd-best-quality-ever-paap-movie-songs-high-quality-and-sizemp4)
Re: Amjad Islam Amjad’s poetry by different singers
Chand Ke Saath Kai Dard Purane Nikle-Jagjit Singh-Ghazal …](http://www.youtube.com/watch?v=cLoUe_yIFHM)
Re: Amjad Islam Amjad’s poetry by different singers
Door Talak Veerana Hai- Jagjit Singh Nice Ghazal 1080p HD | Tune.pk
Sachi baat kon kare
Kon yahan deewana hai
Re: Amjad Islam Amjad’s poetry by different singers
http://www.geomarriage.com/urdu/poetry/full/bheer-mein-ik-ajnabi.jpg
Bhiir Main Ik Ajnabi Ka.wmv - YouTube
Ustad Nusrat Fateh Ali Khan - Bheed Mein Ek Ajnabi Ka …
Re: Amjad Islam Amjad’s poetry by different singers
Guzar Gia jo Zamana, osey bhula hi dou - YouTube](http://www.youtube.com/watch?v=iI7q-aJuyxk)
Re: Amjad Islam Amjad’s poetry by different singers
kisii kii aaNkh jo purnam nahiiN hai
na samajho yeh k us ko gham nahiiN hai
savaad-e-dard meiN tanhaa khaRaa huuN
palaT jaauuN magar mausam nahiiN hai
samajh meN kuchh nahiiN aataa kisii kii
agarche guftaguu mub_ham nahiiN hai
sulagtaa kyuN nahiiN taariik jaNgal
talab kii lau agar maddham nahiiN hai
ye bastii hai sitam parvar digaaN kii
yahaaN koii kisii se kam nahiiN hai
kinaaraa duusra dariyaa ka jaise
vo saathii hai magar mahram nahiiN hai
diloN kii raushnii bujhne na denaa
vajuud-e-tiiragii muhkam nahiiN hai
maiN tum ko chaah kar paChhtaa rahaa huuN
koii is zaKhm kaa marham nahiiN hai
jo koii sun sake Amjad to dunyaa
bajuz ik baaz gasht-e-gham nahiiN hai
ABIDA PARWEEN - Kisi Ki Aankh Jo Purnam Nahen Hai …](http://www.dailymotion.com/video/x1iv8q6_abida-parween-kisi-ki-aankh-jo-purnam-nahen-hai_music)
.jpg)
Re: Amjad Islam Amjad’s poetry by different singers
chehre pe mere zulf ko phailaao kisii din
kyaa roz garajte ho, baras jaao kisii din
raazoN kii tarah utro mere dil meiN kisii shab
dastak pe mere haath kii khul jaao kisii din
peRoN kii tarah husn kii baarish meiN nahaa luuN
baadal kii tarah jhuum ke ghir aao kisii din
Khushbuu kii tarah guzro mere dil kii galii se
phuuloN kii tarah mujh pe bikhar jaao kisii din
phir haath ko Khairaat mile band-e-qabaa kii
phir lutf-e-shab-e-vasl ko doharaao kisii din
guzreN jo mere ghar se to ruk jaayeN sitaare
is tar’ha merii raat ko chamakaao kisii din
maiN apnii har ik saaNs usii raat ko de duuN
sar rakh ke mere siine pe so jaao kisii din
Kisi Din Title Song Feat. Hot Yana Gupta and Adnan Sami (Official Video Song) | Tune.pk
Re: Amjad Islam Amjad’s poetry by different singers
Lafz-e-pas-e-lafz
jo ham boltay hain, roltay hain
kon sa lafz hai kholay ga jo dar ma’ni ka
iss ka patta kon karay
tum to khushbu ho, sitaaroN ki guzargaah ho tum
tum kahan aao gai iss dasht-e-purasrar ki penhai main
kaise utro gai tamannaoN ki gehrai mai
reh gaya maiN
so aye jaan-e-wafa
mai to jo kuch hoon tumharay hi kham-e-chashm se hoon
tum hi jab lafz pas-e-lafz se aagah nahi
kis tarah sehr-e-mafaheem ko darwaza khulay
lafz ki kokh main taseer kahan se utray
tum meray saath ho, humraah nahi
kon se khuwaab ke jugmug main nihaaN hain ham tum
kaise girdaab-e-tamanna mai rawaaN hain ham tum
lafz ka paar jo daikhain to koi raah nahi
aur tum lafz-e-pas-e-lafz se aagaah nahi
(A. NAYYAR`S)Tum Mere Sath Ho Hamrah Nahin (Amjad … - YouTube](http://www.youtube.com/watch?v=ywNlaXI8rAs)