*Ye zara hi pehley ki baat hey ke kisi ke dil ki duwa tha meiN
no’kheiz bahaar ki jawaanioN meiN kisi ko azeez huwa tha meiN
kisi ke khaaboN ki jaan tha meiN, kisi ki aaNkhoN ki taazgi
mohabbatoN ka toofaan ban kar kisi ke dil meiN uttha tha meiN
mery hasool ki intehaa, mujhey mannatoN meiN maaNga gaya
kisi meh-jabeeN ke ratjagoN ki riyaazatoN ka sila tha meiN
meri deed hi us ki eid thi meri tasveer thi jis ki kitaab meiN
mohabbat-bharey ik maasoom dil ki ibaadatoN ka khuda tha meiN
ye usi haseeN ki heiN inayateiN ke merey saath to thi lekin mujhey
shikast ka taoq pehna dia, zara saaNs leney ko ruka tha meiN
By: Amal*
