ALVIDA
Na tujh pay jafa ka koi ilzaam
Na main apni ulfat pay sharamsaar
Tagaaful na pashaymaani na koi shikayat
Bus zindgi ko daikha apnay apnay andaaz say humnay
Main ishq ko samjhtaa huiN zindgi ka muqaddar
Toonay muqqadar ko bus zindgi samjhaa
MaiN jin zulmatoN pay uthaata raha barbat-e-bagaawat
Toonay unhee Aqaayud ko raushni samjhaa
MaiN banaataa hi raha haseeN khwaaboN kay ghroNday
Mujhko na tha pata ki tera guzar inmaiN kahaN
Tu to dhooNdhti phirti thi ik kafas sandli
Maray tassuvar main tha teray liyay ik aazaad jahaN
MaiNnay to chahaa tha tum humqadam ho kay chalo
Tumnay visay main paya hai magar aqeedat ka bharum
Meri ulfat to thi braabar ki dosti
Teri ulfat rahi meri mohtaaj-e-karam
Meri tamanna thi ki tumujhay “tu” ho kay milay
Toonay khudi ko apni biknay kay liyay paalaa tha
Meri hasrat ki tu isay apnay ahsaas main rakh kar kay jiyay
Toonay parstish kay liyay jisay ab talak saMbhaalaa tha
Na tujhsay thi mujhay parstish ki aarzoo
Na khud mujhay tha shauq-e-aqeedat
MaiN tujh main dhooNdhta phirtaa tha ik khuddaar mehboob
Aur tumko piyaari thi apnay purkhoN ki viraasat
Brijinder “Sagar”
Auckland, New zealand
