~ Akhri Mulaqat ~
yeh jo akhri mulaqat hai
sar-e-khamoshi koi baat hai
wohi baat jo teri zuba’an pe thee
wohi baat jo tu ne aya’n na ki
jisey sunne ki thee main muntazir…
wohi baat jo tu na keh saka
ab iss akhri mulaqat main
faza main namee si hai
chandni bhi udaas hai
na phool main hai shaguftagi
na raat main hai naghmagi
teri arzoo hai ke kehsakey
wohi baat jo tere labon pe thee
mere yar-e-mann…
aisa na ho tu acha hai
yeh jo baat unkahi si hai
ussey ankahi hi rehne de
yeh jo akhri mulaqat hai
usse tu adhoori hi reh ne de !!!..