wu wakt mairee jaan buhat door nahi hai
jab dard se ruk jain gin sub zeest ki rahain
aur had se guzer jai ga andoh nahanee
thak jain gin tarsee hui nakaam nigahain
chin jain gai mujh se mairai ansoo mairee ahain
chin jai gi mujh se mairee bekaar jawanee
shayad mairee ulfat ko buhat yaad karoo gi
apnai dil-e-masoom ko nashaad karoo gi
aao gi mairee goor pai tum ashk bahanai
naukhaiz baharon kai haseen phool charhanai
shayd mairee turbat ko bhi thukra kai chaloo gi
shayd mairee besood wafaon pai hansoo gi
is waza karm ka bhi tumhain paas na ho ga
lakin dil-e-nakaam ko ahsaas na ho ga
alqisa maal-e-gham-e-ulfat pai hansoo tum
ya ashk bahatee raho faryaad karo tum
mazee pai nidamat ho tumhain ya kai musarat
khamoosh para soyai ga damanda-e-ulfat
Faiz Ahmed Faiz