**
Hasaas Teergi ki khamoshiyoon main kab sey
aik lafz dhoondhti hoon
apnay kalam ko thamay
lafzoon say haar manay
kaghaz ko tak rahi hoon
mehsoos horaha hai alfaaz kho chukay hain
ashkoon kay sard dariya
kyoon khushk hogaye hain
Chupkey sey main nay pocha
apnay hi dil say pocha
kyoon itni beyqarar hoon
kyoon itni muztarib hoon
Nanna sa aik ansoo
kaghaaz pay gir gaya hai
shayad ye meray ghum ka aik akhiri diya hai
Aur woh bhi Bhujh chuka hai..!!**
