CHALO EK BAAR PHIR SE AJNABI BAN JAYEIN HUM DONO
NA MAIN TUM SE KOI UMEED RAKHOON DILNAWAZI KI
NA TUM MERI TARAF DEKHO GHALAT ANDAZ NAZRON SE
NA MEREY DIL KI DHARKAN LARKHARAYE MERI BATON SE
NA ZAHIR HO TUMHARI KASHMAKASH KA RAAZ NAZRON SE
CHALO EK BAAR PHIR SE AJNABI BAN JAYEIN HUM DONO
TUMHEIN BHI KOI ULJHAN ROKTI HAI PAISH QADMI SE
MUJHE BHI LOG KEHTEY HAIN KEH YEH JALWEY PARAYE HAIN
MEREY HAMRAH BHI RUSWAIYAAN HAIN MEREY MAZI KI
TUMHAREY SAATH BHI GHUZREY HUI RATON KE SAAYE HAIN
CHALO EK BAAR PHIR SE AJNABI BAN JAYEIN HUM DONO
TAARUF ROG HO JAYE TO US KO BHOOLNA BEHTER
TAALUK BOJ BAN JAYE TO US KO TORNA ACHHA
WOH AFSANA JISEY AJNAM TAK LANA NA HO MUMKIN
USEY EK KHOOBSOORAT MOR DE KAR CHHORNA ACCHA
CHALO EK BAAR PHIR SE AJNABI BAN JAYEIN HUM DONO
SAHIR LUDHYANWI