Ajnabi shehar mein, ajnabi raastey
Meri tanhaai par muskuratey rahey
Main bohat deir tak yunhi chalta raha
Tum bohat deir tak yaad aatey rahey
Zaher milta raha, zaher peetey rahey
Roz jeetey rahey, roz martey rahey
Zindagi bhi hamein aazmaati rahi
Aur hum bhi issey aazmaatey rahey
Zakhm jab bhi koi zehan-o-dil pe laga
Zindagi ki taraf ik dareecha khula
Hum charaagh-e-tamanna jalaatey rahey
Woh charaagh-e-tamanna bujhaatey rahey
Sakht halaat ke taiz toofaan mein
Ghir gaya tha hamara junoon-e-wafaa
Hum bhi goya kisi saaz ke taar hain
Chot khaatey rahey, gunn-gunatey rahey