Ajjab din thay muhabbat ke
Ajjab mausam thay chahat ke
Kabhi gar yaad aajayen tu palkoon per
Sitaray jhilmilaatay hain
Kisi ki yaad main ratoon ko aksar
Jaagna mamool thaa apna
Kabhi gar neend aajati tu hum yeh soch letay thay
Abhi tu woh hamaare wastay roya nahee hoga
Abhi soya nahee hoga
Abhi hum bhi nahee rotay
Abhi hum bhi nahee sotay
So phir hum jaagtay aur us ko yaad karte thay
Akele beth kar weraan dil abaad kartay thay
Hamaare samne taaron ke jhurmat main akela chaand hota thaa
Jo us ke husn ke aagay bahut hi maand hota thaa
Falak per raqs karte an-ginnat raushan sitaroon ko
Jo hum tarteeb detay thay
Tu us ka naam banta thaa
Hum agle roz jab miltay
Tu guzree raat ki har be-kali ka zikar karte thay
Har ek qissa bataate thay
Kahaan kis wakt kis tarah se dil dharka bataate thay
Main jab kehta ke janaan aaj tu main raat ek pal nahee soya
Tu woh khamoosh rehti thee
Per us ki neend mein doobi huwi do jheel si aankhain
Achanak bol uth’tee theen
Main jab us ko bataata
Ke mein ne raat ko raushan sitaroon mein
Tumhaara naam dekhaa thaa
Tu woh kehti, ‘Razi’ tum jhoot kehtay ho
Sitaray mein ne dekhay thay
Aur un raushan sitaroon mein tumhara naam likha thaa
Ajjab masoom larki thee
Mujhe kehti thee lagta hai ke
Ab apne sitaaray mil hi jaayenge
Magar us ko khabar kya thee
Kinaray mil nahee saktay
Muhabbat ki kahaani mein
Muhabbat karne waaloon ke
Sitaray mil nahee saktay
Re: Ajjab din thay muhabbat ke
Bohat Khoob rashidali G
Re: Ajjab din thay muhabbat ke
Thanks for sharing my all time favourite ...
Re: Ajjab din thay muhabbat ke
:k: Good One
Re: Ajjab din thay muhabbat ke
nice poetry
Teri Khushboo Nahin Milti Tera Lahja Nahen Milta
Humein To Sarey Shahar Mein Terey Jaisa Nahin Milta..
Re: Ajjab din thay muhabbat ke
V nice :)
Re: Ajjab din thay muhabbat ke
Nice :k:
Re: Ajjab din thay muhabbat ke
nice..
Re: Ajjab din thay muhabbat ke
Beautiful..
Re: Ajjab din thay muhabbat ke
thanks all
Re: Ajjab din thay muhabbat ke
NIce Sharing :-)
Re: Ajjab din thay muhabbat ke
aww 