Ajab Pagal Si Larki Hai..

Arts & Culture Poetry ( Intikhaab & Sho'ra-e-Gupshup)
1

Aik Nazm Jisay Parh Ke Meri Aankhain Tou Namm Hogaeen Theen..

Ajab Pagal Si Larki Hai
Mujhay Her Khat Main Likhti Hai
“Mujhay Tum Yaad Kertay Ho?
Tumhain Main Yaad Aati Hoon?”
Meri Baatain Satati Hain?
Meri Neendain Jagati Hain?
Meri Aankhain Rulaati Hain?
December Ke Sunehri Dhoop Main Abb Bhi Teheltay Ho?
Kisi Khamosh Rustay Se
Koi Awaaz Aati Hai?
Thatharti Sard Raaton Main
Tum Abb Bhi Chhatt Pe Jaatay Ho?
Falak Ke Sab Sitaroon Ko
Meri Baatain Sunatay Ho?
Kitabon Se Tumharay Ishq Main Koi Kami Aai?
Ya Mairi Yaad Ke Shiddat Se Aankhon Main Nami Aai?
Ajab Pagal Si Larki Hai
Mujhay Her Khat Main Likhti Hai..

Jawaban Uss Ko Likhta Hoon..
Meri Masroofiyat Daikho
Subah Se Shaam Office Main
Chiragh-e-Umr Jalta Hai
Phir Uss Ke Baad Duniya Kee
Kaee Majbooriyan Pao`n Main Bairi Daal Rakhti Hain
Mujhay Bay-Fikr, Chahat Se Bharay Sapnay Nahin Dikhtay
Tehelnay, Jagnay, Ronay Kee Mohlat Hee Nahin Milti
Sitaroon Se Millay Arsa Hua.. Naraz Hon Shayad!!
Kitaboon Se Shughaf Maira Abhi Waisay He Qayem Hai
Faraq Itna Parra Hai Ab Unahin Arsay Main Parhta Hoon
Tumhain Kis Ne Kaha Pagli Tumhain Main Yaad Kerta Hoon
Ke Main Khud Ko Bhulanay Kee Musalsal Justajoo Main Hoon
Tumhain Na Yaad Aanay Kee Musalsal Justujoo Main Hoon
Mager Yeh Justajoo Meri Bohat Nakaam Rehti Hai
Mere Din Raat Main Abb Bhee Tumhari Shaam Rehti Hai
Mere Lafzoon Ki Her Maala Tumharay Naam Rehti Hai
Tumhain Kis Ne Kaha Pagli Tumhain Main Yaad Kerta Hoon
Purani Baat Hai Jo Log Akser Gungunatay Hain
Unhain Hamm Yaad Kertay Hain Jinahin Hamm Bhool Jatay Hain
Ajab Pagal Si Lerki Ho
Meri Masroofiyat Daikhoo
Tumhain Dil Se Bhulaoon Tu Tumhari Yaad Aaye Na
Tumhain Dil Se Bulanay Kee Mujhay Fursat Nahin Milti
Aur Iss Masroof Jeewan Main
Tumahray Khat Ka Ikk Jumla
“Tumhain Main Yaad Aati Hoon ?”
Meri Chahat Ki Shiddat Main Kami Honay Nahin Daita
Bohat Raatain Jagata Hai Mujhay Sonay Nahin Daita
So Agli Baar Apnay Khat Main Yeh Jumla Nahin Likhna
Ajab Pagal Si Larki Hai Mujhay Phir Bhee Ye Likhti Hai
Mujhay Tum Yaad Kertay Ho Tumhain Main Yaad Aati Hoon ?

Umeed Kerta Hoon Ke Aap Logon Ko Bhi Pasand Aye Gi..

Regards,

2

Re: Ajab Pagal Si Larki Hai..

good one! keep sharing… :k:

3

Re: Ajab Pagal Si Larki Hai..

:k:

4

Re: Ajab Pagal Si Larki Hai..

beautiful

5

Re: Ajab Pagal Si Larki Hai..

Ye Bhi Pasand Aee :)

6

Re: Ajab Pagal Si Larki Hai..

Excellent.........

(Time-Pass) ~*~ Kuch apni kaho ... Kuch meri suno ~*~
7

Re: Ajab Pagal Si Larki Hai..

Aatif bhai ki khobsurat kaawish
thnx for sharing

Aaj Kiss Baat Par Gussa Aaya ??????
8

Re: Ajab Pagal Si Larki Hai..

She seems so strange, so crazy
in every letter she writes to me:
"Do you remember me?
Do you recall ma?
Do my chats quicken your heart?
Do my sleeps keep you awake?
Do I bring tears to your eyes?
Do you still go for walks in the
December golden sunlights?
Do you hear something
walking on silent roads?
Do you tell my stories to stars in skies?
Are you less romantic than
lovers in romantic novels?"
She seems so strange, so crazy
in every letter she writes to me.

-tr. Ravi Kopra

9

Re: Ajab Pagal Si Larki Hai..

**Ajab Pagal Si Larki Hai **
:k:

10

Re: Ajab Pagal Si Larki Hai..

meri buhat fav nazm hai ye :)

11

Re: Ajab Pagal Si Larki Hai..

Wonderfull Nazam

12

Re: Ajab Pagal Si Larki Hai..

:)
larkiyan kya waqee pagalhotee hain?????????

What should the Bhabi of the household be like?
13

Re: Ajab Pagal Si Larki Hai..

Nice :)

14

Re: Ajab Pagal Si Larki Hai..

:)