Aik MakRa aur aik Makhi- Gupshup kay bachouN kay liye :-D

Arts & Culture Poetry ( Intikhaab & Sho'ra-e-Gupshup)
1

  • Ik din kissi makRi say yeh khenay lagaa makRaa
    Iss rah say hotaa hai guz’r roz tumhaaraa

  • Laikin meri kuTTiyaa kee naa jaagi kabhi Qismat
    Bhoolay say kabhi tum nay yahaaN paaouN naa rakhaa

  • GhairouN say naa miliye tau koie baat naheeN hai
    ApnouN say magar chaahiye youN khiNch kay naa rehnaa

  • Aao jo meray ghar maiN tau izzat hai yeh meri
    Woh saamnay seeRhi hai jo manzoor ho aanaa

  • Makhi nay sunni baat jo makRay kee tau boli
    Hazrat! kissi naadaaN ko dijiye gaa yeh dhokaa

  • Iss jaal maiN makhi kabhi aanay kee naheeN hai
    Jo aap kee seeRhi pay chaRhaa phir naheeN utraa

  • MakRay nay kaha: Wah Farebi mujhay samjhay
    Tum saa koie naadaaN zamaanay maiN naa hogaa

  • Manzoor tumhaari mujhay khaatir thee, wagar naa
    Kuch faaidah apnaa tau miraa iss maiN naheeN thaa

  • URti huvee aaie ho khudaa jaanay kahaaN say
    TheRo jo mairay ghar maiN tau hai iss maiN buraa kiyaa?

  • Iss ghar maiN kaiee tum ko dikhaanay kee haiN cheezaiN
    Baahir say nazar aataa hai choTi see yeh kuTTiyaa

  • LaTkay huvay darwaazouN pay baareek haiN parday
    DeewaarouN ko aainsay say hai maiN nay sajaayaa

  • MehmaanouN kay aaraam ko haazir haiN bichonay
    Har shakhs ko saamaaN yeh mayassar naheeN hotaa

  • Makhi nay kahaa: Khair! yeh sub theek hai laikin
    MaiN aap kaay ghar aaouN, yeh umeed naa rakhnaa

  • Inn nar’m bichonouN say Khudaa mujh ko bachaaye
    So jaaye koie inn pay tau phir uTh naheeN saktaa

  • makRay nay kahaa dil maiN, sunni baat jo uss kee
    phaaNsooN issay kiss tarah yeh kambakht hai daanaa

  • Sau kaam khushaamad say nikaltay haiN jahaaN maiN
    Dekho jissay duniya maiN Khushaamad ka hai bandaa
    (No offence to some people at Gupshup :D)

  • Yeh soch kay Makhi say kahaa uss nay BaRRi Bee
    Allah nay bakhshaa hai baRaa aap ko rutbaa

  • Hoti hai ussay aap kee soorat say mohabbat
    Ho jiss nay kabhi aik nazar aap ko dekhaa

  • AankhaiN haiN kay heeray kee chamakti huvee kanniyaN
    Sar aap kaa Allah nay kalghi say sajaayaa

  • Yeh hus’n, yeh poshaak, yeh Khoobi, yeh safaaie!
    Phir uss pay Qiyaamat hai yeh uRtay huvay gaanaa

  • Makhi nay sunni jub yeh khushaamad tau paseeji
    Boli kay naheeN aap say mujh ko koie khaTkaa

  • Inkaar kee aadat ko samajhti hooN buraa maiN
    Such yeh hai kay dil toRnaa achaa naheeN hotaa

  • Yeh baat kahi aur uRi apni jagah say
    Pass aaiee tau makRay nay uchal kar ussay pakRaa

  • Bhookaa tha kaiee roz say ab haath jo aaiee
    Aaraam say ghar beTh kay makhi ko uRaayaa

Poet of the East, Hakeem-ul-Ummat Dr. Sir Muhammad Allama Iqbal :rehm:

2

:biggthumb

3

[QUOTE]
*Originally posted by HeArT HaCKeR: *
:biggthumb
[/QUOTE]
pehli bachi is here :p

4

:biggthumb

5

:k: :slight_smile:

6

Thank you all :D

7

:hehe: bahut khoob Anwaar bhai ..

8

:biggthumb

9

:D thanks :D