Ek Sukhan Aasaar Sa Chehra To Hai Dil Mein Magar
Woh Nahi Jo Shehar Ki Deewar Par Likha Gaya
Khuwab K Qaidi Rahay To Kuch Nazer Aata Na Tha
Jab Chalay To Jungalon Mein Raasta Banta Gaya
Tohmatien To Khair Qismat Thin Magar Is HijR Mein
Pehlay Aankhien Bujh Gayin Thi Or Ab Chehra Gaya
Hum Woh Mehroom-e-Safar Hain Dasht-e-Khuwahish Mein Jinhien
Ek Hisaar-e-Be Dar-o-Deewar Mein Rakha Gaya
Barmala Such Ki Jahan Talqeen Ki Jati Rahi
Phir Wahan Jo Log Suchay They Unhien Roka Gaya
Hum Woh BeManzil Musafir Hain Jinhien Har Haal Mein
Hum Safar Rakha Gaya Or Be Nawa Rakha Gaya
Phir Ameer-e-Shehar Tha Or Mukhbaron Ki Bhear Thi
Phir Ameer-e-Shehar Khalqat Se Juda Hota Gaya
Kha Gaya Shoq-e-Azoor-e-Bazm Araayi Usay
Sahib-e-Fehm-o-Farasat Tha Magar Tanha Gaya.
-=EnD=-
(Noshi Geelani)