Harf-e-taaza nayie khushboo mein likha chahta hai
Baab ik aur muhabbat ka khula chahta hai
Aik lamhe ki tawajo nahi hasal uss ki
Aur yeh dil kay usse hud se siwa chahta hai
Ik hijaab-e-tahe iqrar hai, maane warna
Gul ko maloom hai, kia daste sabah chahta hai
Rait he rait hai iss dil mein mussafir meray
Aur yeh sehra tera naqshey kaffe paah chahta hai
Yehi khamoshi kayie rang mein zahir ho gi
Aur kuch rooz kay wo shookh khula chahta hai
Raat ko maan liya dil ne muqaddar laiken
Raat kay haath per ab koi diya chahta hai
Teray paemaney mein gardish nahi baqi, saqi
Aur teri bazm se ab koi uthaa chahta hai
(Parveen Shakir)
