Mery pehlo ba pehlo jab woh chalti thi gulistan mein
faraz-i-aasman per kahakshan hasrat say takti thi
mohabbat jab chamak uthti thi us ki chasm-i-khandaan mein
khamistan-i-faluk say noor ki sahba chalakti thi
Mery bazoo pay jab woh zulf-i-shabgoon khool deti thi
zamana nikhat-i-khuld-i-bareen mein dhoob jata tha
mery shanay pay jab ser rakh ker thandi sans leeti thi
meri duniya mein soz-o-saz ka toofan aata tha
woh mera shair jab meri hi lay mein gungunati thi
manazir jhoomtay thay ,baam-o-der ko wajad aata tha
meri aankhoon mein aankhein dal ker jab muskurati thi
mery zulmat kaday ka zara zara jagmagata tha
umund aatay that jab ashq-i-muhabbat us ki palkoon tak
tapakti thi dar-o-deewaar say shookhi tabassum ki
jab uskay hont aajatay thay az-khud mery hontoon tak
jhapak jati thein aankhein aasman per mah-o-anjum ki
Woh jab hungam-i-rukshat dekhti thi mujh ko mur mur ker
to khud fitrat kay dil mein mehshir-i-jazbaat hota tha
woh mehv-i-khuwab hoti thi jab apnay narm bister per
to us kay ser per mariyam ka muqadass hath hota tha
Khaber kiya thi key woh ek roz mujh ko bhool jaye gi
aur uski yaad mujh ko khoon kay aansoo rulaye gi
