rasta apna bananay ki khuli chutti hai
aap ko murgh uranay ki khuli chutti hai
daal se bhi humein jaanay ki khuli chutti hai
dodh mey paani milana tow koi baat nahi
shehed mey zeher milanay ki khuli chutti hai
gher mayari dawa is pe hai qemat dugni
apni bemaari berhanay ki khuli chutti hai
jaan buchanay ke sabhi raastay bund hain tow kya
mout ke moo mey tow jaanay ki khuli chutti hai
koi qanoon se berh ker bhi na hoga muzloom
dhujyaan us ki uranay ki khuli chutti hai
maal ghatya hee bananay ki nahi hai chutti
nurkh her rooz berhanay ki khuli chutti hai
reh gaye peechay tow reh jao gay sadyoon peechay
gaariyaan tez chalanay ki khuli chutti hai
kaam muskay se nikal saktay hai chotay mootay
is liye muska laganay ki khuli chutti hai
kaam paisey se nikal aatay hain mootay mootay
is liye paisa laganay ki khuli chutti hai
khush mazaki ke taqazay bhi hain apnay’yani
baat bey per ki uranay ki khuli chutti hai
Re: aik dojay ko giranay ki khuli chutti hai
Uss ko chutti na mili jisne sabak yaad kiya