Aik din chaand sey bicharna hai ,
aankh taqdeer aur dil ko..
jo janey kisi doosrey key bus mein hain..
saamp ban ban key dastey rehtay hain..
apni saanson mein doobtey dil ko,
chand jis tarz ka musafir hai … hijr hi hai key jo parao mein hai..
bus judai ko hai thehar jana..
hum to shikwa bhi kar nahi saktey..
aur tanhaayon sey shikwa kya..
chand bechenyon ka mosam hai..
beet janey pay hamesha hi apnay aasaar chor jata hai..
yeh meri aankhon key sulagtey aainay..
sab issi dard ki nishaani hai
yeh mera bey sabab hi khush rehna..
sab issi gham ki aazmaaish hai..
aik khaahish hai jis ko marna hai..
aik jeevan jissey bigarna hai..
aik basti jisey ujarna hai..
aik din chaand sey bicharna hai …