( AIK BE HIS LARKI )
Ossay kuchh log kehty hen..
buhut behis si larki hay
buhut kam muskuraati hay
sada khamosh rehti hay
nami aankhon mn rehti hay
buhut suchon mn rehti hay
basi aankhon mn weraani
chupi chehray pay heraani
agr koi ju kuchh pochhy..
jawabi baat keh kr…phir
yonhi khamosh rehti hay
bari behis si larki hay
khud hi mn gum hi rehti hay
ye kuchh maghroor larki hay
…
ye baaten sun k es larki ko
phir kuchh yaad aataa hay
kabhi ye log kehty thhy…
bari chanchal si larki hay
hamesha muskurati hay
Or aksar gungunati hay
chamaktaa chaand sa chehra
khnakta shukh sa lehjah
diye jalty hen aankhon mn
bari shukhi hay baton men
fazaain dekh kr osko
khushi say jhom jati hen
chamakti raat osky naen men
sapnay jagati hen
tamazat dhoop ki chehray py osky
gul khiaati hay
kabhi barish k musam men
suhaany khel kashti k
kabhi guryon ki shadi ho..
kabhi geeton ki baazi ho
ye hr dam paesh rehti hay
bari ullahr si larki hay
ye kitni shuokh laki hay?
…
magr.. ab log kehty hen ..
bari behis si larki hay
buhut kam muskuraati hay
sada khamosh rehti hay
…
unhen maloom kesay hu ..?
wafaa k qaed khany men
faraiz k nibhany men
ju larki daar charhti hay
jisay sapnon k bunny ki
sazaain waqt nay di hon
ju rasmon Or riwajon k
alaao men sulagti hu
***labon ki nok pr jisky gilay ***
be jaan huty hon ..
jism ki qaed men jab
rooh aksar pharphrati ho
tu.. ik kamzor si larki ..
yonhi be muot marti hay
…
tu phir yon log kehty hen
buhut sanjeedgi orhy
ajab be his si larki hay
buhut kam muskurati hay
sadaa khamosh rehti hay
…
(naz)