ai shahr-e-Lakhnau! tujhe meraa salaam hai!

Arts & Culture Poetry ( Intikhaab & Sho'ra-e-Gupshup)
1

salaam dosto,
ummeed hai k mizaaj-e-giraamii ba_Khair hoNge.

film “Palki” meN shahr-e-Lucknow kii Shakeel Badaayuunii ne yuN ta’reef bayaan farmaaii hai…kia sheereenii-e-zabaan aur kia hii dil-kash Husn-e-bayaan hai…mulaaHizah farmaaiye sadaa-bahaar Ra’ii saab kii sunehrii aur jaazib aawaaz meN:
**
ai shahr-e-lakhnau! tujhe meraa salaam hai
teraa hii naam duusraa jannat kaa naam hai

mere liye bahaar bhii tu, gul_badan bhii tu!
parvaana aur shamm’a bhii tu, anjuman bhii tu!
zulfoN kii tarHa mahkii huii terii shaam hai

ai shahr-e-Lakhnau! tujhe meraa salaam hai
teraa hii naam duusraa jannat kaa naam hai

kaisaa nikhaar tujh meN hai, kia kia hai baaNkpan
GhazleN gali gali haiN to naGhme chaman chaman
shaa’ir ke dil se poochh tiraa kia maqaam hai

ai shahr-e-Lakhnau! tujhe meraa salaam hai
teraa hii naam duusraa jannat kaa naam hai

tu vo hai log shahr-e-nigaaraaN kaheN jise
firdaus-e-Husn-e-rashk-e-bahaaraaN kaheN jise
terii har ek adaa meN vafaa kaa payaam hai

ai shahr-e-Lakhnau! tujhe meraa salaam hai
teraa hii naam duusraa jannat kaa naam hai**

btw, S.U. Sunny’s full name was Sami Uddin Sunny!

2

Re: ai shahr-e-Lakhnau! tujhe meraa salaam hai!

Nice :k:

Lucknow ka ye naam kaise paRa?

3

Re: ai shahr-e-Lakhnau! tujhe meraa salaam hai!

thank you…hmmm…

iskaa silsila kuchh yuN hai k jab Suryavanshii shahenshaah Raam ne apne chhoTe bhaaii **Lakshman **ko ek shahr basaane kaa Hukm diyaa thaa jo maujooda zamaane kaa shahr Lakhnau hai…is shahr kaa naam awaa’il meN Ghaaliban Lakshmanpura yaa Lakshmanmau rakkhaa gayaa jo aahista aahista Lakshmanpura se Lakhanpurii huaa phir uske ba’d Lakhnau ho gayaa! :slight_smile:

4

Re: ai shahr-e-Lakhnau! tujhe meraa salaam hai!

:hmmm: What does archeology says about the city? Is it that old? :hmmm:

5

Re: ai shahr-e-Lakhnau! tujhe meraa salaam hai!

iskaa to mujhe koii ilm nahiiN magar iskii buniyaad agar Raam ke zamaane meN huii to vo to Hindu Calendar ke Hisaab se 5114 BC meN paidaa huye the…i dunno…wallaaaho 'aalam bissawaab!