ai ishq! maiN kahaaN huuN

Arts & Culture Poetry ( Intikhaab & Sho'ra-e-Gupshup)
1

**aadaab, dosto!

ek taazah Ghazal pesh-e-Khidmat hai. hasb-e-saabiq, aap kii raae kaa mutamannii huuN. ummeed hai aap karam farmaayeNge.

Ghazal

ai ishq! maiN kahaaN huuN, mujhe kuchh pataa nahiiN
sar par falak nahiiN hai, zameeN zer-e-paa nahiiN

pal bhar ko bhii Khayaal tiraa bhuultaa nahiiN
kaise kahuuN ki tujh se koii vaastaa nahiiN!

afsos! ye Thikaana bahut der kaa nahiiN
ai dil! vagarna dekh to dunyaa meN kyaa nahiiN

haq apnaa chheentaa huuN, kabhii maaNgtaa nahiiN
jur.at mire mizaaj meN hai, iltijaa nahiiN

ab tak to be.niyaazii-e-dunyaa kaa ranj thaa
ab tuu bhii meraa haal kabhii puuchhtaa nahiiN

pahle bhii dil meN dard uThaa hai bahaar meN
ahsaas kah rahaa hai ki ye Gham nayaa nahiiN

tahzeeb-e-nau ne :bojh: puraane haTaa diye
sar par ridaa nahiiN hai, badan par qabaa nahiiN

kashtii pe laakh zor ho, tuufaan par kahaaN!
ham naa.Khudaa zaruur haiN lekin Khudaa nahiiN

maiN ne kahaa ki terii nigaahoN meN kyaa huuN maiN?
us ne kahaa ki ghar meN tire aaiinaa nahiiN!?

samjhaa hai mujh ko dost na samjhegaa vo kabhii
:Waseem: jahaaN meN vahm kii koii davaa nahiiN!**

                               **Waseem Ahmed**
2

pal bhar ko bhii Khayaal tiraa bhuultaa nahiiN
kaise kahuuN ki tujh se koii vaastaa nahiiN!
*

Beautiful..:k:

Waseem Abbas ki tu ab mae fan hotii ja rahiii hoon :)…

3

Ghazal par daad kaa bahut bahut shukriya!

:konfused: Wasesem Abba ?yeh jo ghazalin aap nay suni hain yeh Waseem Abbas Sahab ki nahi Waseem Ahmed ki hain! our un ko our koi nahi janta sirf hum he jantay hain :slight_smile: !!

4

oppss sowwyy ghaltii se Abbas likh diya :bummer:

Waseem Ahmed.. naam suna howa hai hum ne… ap ke koi friend hain ye kia?

5

waise ammi humain waseem he kah kar bolati hain :)

6

maiN ne kahaa ki terii nigaahoN meN kyaa huuN maiN?
us ne kahaa ki ghar meN tire aaiinaa nahiiN!?

very nice.. dost…:k:

7

Filhaal to aap GS/poetry section main hain

8

lekinn ye jo ghazals ap post kerte ho kis ne likhii hain .. ap ne? :confused:

9

Thanx asSweetas :)

10

[QUOTE]
*Originally posted by Azad: *
Filhaal to aap GS/poetry section main hain
[/QUOTE]

Bhai mare main acchi terha janta hon main kahan hon !!!

11

Leave it H H Jee ..kisi nay bhi likhi ho poetry pasand aae tu apnii raae de diya karain …thanx

12

good1 :k:

13

Thanx :slight_smile:

14

[QUOTE]
*Originally posted by koiDost: *

Bhai mare main acchi terha janta hon main kahan hon !!!
[/QUOTE]

Oooo