ZaKhm ko phuul to sar sar ko saba kahte hain
jaane kya daur hai kya log hain kya kahte hain
kya qayaamat hai ke jin ke liye ruk ruk ke chale
ab vahi log hamein aabalapa kahte hain
koi batalaao ke ik umr ka bichhara mahabuub
ittefaaqan kahin mil jaaye to kya kahte hain
ye bhi andaaz-e-suKhan hai ke jafaa ko teri
Gamzaa-o-ishvaa- o-andaaz- o-adaa kahte hain
kyaa ta’ajjub hai ke ham ahl-e-tamannaa ko ‘Faraaz’
wo jo mehruum-e-tamanna hain bura kahte hain
Ahmed Faraz