agarchay waqt kay tever kaRay thay

Arts & Culture Poetry ( Intikhaab & Sho'ra-e-Gupshup)
, ,
1

Ghazal

agarchay waqt kay tever kaRay thay
magar ham zindagi say kab laRay thay

faraar-e-zeest mumkin hi naheeN tha
shajar kay paaooN miTTi maiN gaRay thay

muhabbat bhi wohi, duniya wohi thee
wohi dariya, wohi kachay ghaRay thay

wo kab ka ja chuka tha zindagi say
magar ham baaNhaiN phelaaye khaRay thay

aur ab tau mom say bhi narm haiN ham
koii din thay kay ham zid per aRay thay

raha sar per salamat Gham ka suuraj
kam az kam apany saaye say baRay thay

sara-seema si kyuN thee saari basti
bhaNwar to door dariya maiN paRay thay

mila wo, keh raha tha, khush bohat hooN
magar aaNkhoN talay Halqay paRay thay

tau kya tum nay hamaiN dhokay maiN rakha
wafa bhi thee ya afsaanay ghaRay thay

KhizaaN pehlay pehel aaii thee us din
wo bichhRa tau bohat pattay jhaRay thay

wafa, mehr o murravvat aur ye duniya
hamaari aql per pat’thar paRay thay

shab-e-furqat sitaaray thay kay aaNsu
nageenay khil’at-e-shab maiN jaRay thay

hamaiN Ahmed saba nay phir na dekha
ke ham barg-e-KhizaaN aasaa paRay thay

Muhammad Ahmed
July 30, 2008

http://img67.imageshack.us/img67/2228/agarchemb6.jpg

2

Re: agarchay waqt kay tever kaRay thay

buhut khoob.....thanks 4 sharing

3

Re: agarchay waqt kay tever kaRay thay

whole ghazal is really very beautiful.. each n every couplet is arranged for perfection..

:bb:

4

Re: agarchay waqt kay tever kaRay thay

aik aik shair buhat acha hai
In short whole of it is nice

Realistic Expectations - Ideal Husband and Ideal Wife
5

Re: agarchay waqt kay tever kaRay thay

S.786, Redidentity aur Rabiee,

bohat shukria aap sab ka, aap ki hosla afzaaii meray liay baaic-e-masarrat hay...

khush rahiye...!

6

Re: agarchay waqt kay tever kaRay thay

faraar-e-zeest mumkin hi naheeN tha
shajar kay paaooN miTTi maiN gaRay thay

muhabbat bhi wohi, duniya wohi thee
wohi dariya, wohi kachay ghaRay thay

wo kab ka ja chuka tha zindagi say
magar ham baaNhaiN phelaaye khaRay thay

waah waa bahuuut aalaa g

7

Re: agarchay waqt kay tever kaRay thay

who bar bar apni batoon main prindoo ki misaal deta hai.........
saf saf kuin nai kahta k mera sahar choor ja.........
soory agr koi mistake hai is main

8

bohat shukria janaab!

9

baRi navaazish Ahsan Sahib....

bohat shukria....!