Udaas Shamein Ujar Raastay Kabhi Bulayein To Lot Aana
Kisi Ki Aankhon Mein RatJagon K Aazaab Aayein To Lot Aana
Abhi Nayi Wadiyon Naye Manzaron Mein Reh Lo Magar Meri Jaan
Ye Saaray Ek Ek Kar K Jab Tum Ko Chor Jayein To Lot Aana
Jo Sham Dhaltay Hi Apni Apni Pana Gaahon Ko Lot`tay Hain
Agar Woh Panchi Kabhi Koi Dastan Sunayien To Lot Aana
Mein Roz Yunhi Hawa Pe Likh Kar Us Ki Taraf Bhejta Hon
K Achay Mausam Agar Paharon Pe Muskurayien To Lot Aana
Agar Andheron Chor Kar Bhool Jayein Tum Ko Tumharay Sathi
Or Apni Khatir Apnay Apnay Diye Jalayein To Lot Aana
Meri Woh Baatien Tu Jin Par Be Ikhtiyar Hansta Tha KhilKhila Kar
Bicharnay Walay Meri Woh Baatien Kabhi Rulaien To Lot Aana
