[thumb=D]trees.JPG[/thumb]
**
The Topic is REHGUZAAR! (sorry 4 da msitake)
Ek albaily pagdandi thee
nazar jhukaye…badan churaye
shermaye chup chaap khari thee
saamnay hi ek pairh khara tha
pairh nay rasta roke liya tha
pagdandi hairaan khari thee
ujray or veeraan bari thee
pairh nay poocha
kiyon tumhary raah ko ab tak
kabhi kisi nay
apna rasta ..apni manzil nahi banaya
main bhi to chup chaap khara hoon
phir bhi sab nay
meri thandi chaaon ko apni
raahat ka saamaan banaya
yeh suntay hi nazar uthayee..
or wo dheeray say muskaye..
phir yoon boli
meray yeh veeraan si aik hi reh-guzar hai
jo bas tum tak hi jati hai !!!
aaj main jab k..
nazar jhukaye..Badan churaye
shermaye…chup chaap khari hoon
mera rasta roknay walay
is say pehlay k tum poocho..
tumhain bataoon
meray veeraan dil ki aik hi reh-guzar hai
jo bas tum tak hi jati hai !!
**
