Aey Sarab Hasraton Ke Zara Baat Suntey Jaana

Arts & Culture Poetry ( Intikhaab & Sho'ra-e-Gupshup)
1

**Aey Sarab Hasraton Ke Zara Baat Suntey Jaana
Jo Choor Choor Ho Pehley Usey Aur Kya Satana!

Ye Taqdeer Ki Hein Chaalein Ke Badli Hui Hey Bazi
Jo Mera Charagar Tha Mein Usi Ka Hoon Nishana

Wo Lamha Jab Sey Mein Ney Teri Ulfat Ka Jaam Khoya
Chatkha Huwa Hey Tab Sey Sochon Ka Har Pemana

Abhi Tamheed Hi Suni Thi Ke Bilak Ke Ro Parri Wo
Jo Mein Kehney Ja Raha Tha Wo Tha Asal Fasaana,

Honton Pe Kuch Nahi Hey, Aansu Bhari Hein Aankhein
Lagta Hey Aaj Us Ney Seekha Hey Naya Bahaana

Jo Aag Tu Ney Di Hey Mein Usi Mein Jal Raha Hoon
Mujhey Door Hi Sey Takna Merey Paas Ab Na Aana

Ye Udasiyon Ki Raatein Chalo Andherey Mein Hi Kaatein
Jo Chiraagh Bujh Chukey Hein Ab Kya Unhey Jalaana

Ye Dhanak Mohabbaton Ki Merey Paas Ab Na Laao
Jo Rang Bigar Gay Hein Unhey Phir Sey Kya Sajaana

Ye Berukhi Ke Nashtar To Mein Kab Sey Seh Raha Hoon
Es Baar Tum Milo To Koi Zakhm Naya Lagana…!**

2

Re: Aey Sarab Hasraton Ke Zara Baat Suntey Jaana

**Ye Dhanak Mohabbaton Ki Merey Paas Ab Na Laao
Jo Rang Bigar Gay Hein Unhey Phir Sey Kya Sajaana

Muhabbat ki rangoli ek dafa bikhar jae to kia dobara nahin bun sakti?
**

3

Re: Aey Sarab Hasraton Ke Zara Baat Suntey Jaana

Shayad kuch logon k liya bun jaati ho.........
lykin wo shiddat nhi rehti............

4

Re: Aey Sarab Hasraton Ke Zara Baat Suntey Jaana

gaanth agar lag jae phir rishte hon ya dori
laakh karen koshish khulne main waqt to lagta hai

5

Re: Aey Sarab Hasraton Ke Zara Baat Suntey Jaana

sheesha aik dafa toot jaey tokya dobara pehlay jesa ho sakta hai

6

Re: Aey Sarab Hasraton Ke Zara Baat Suntey Jaana

beshak…magar, 'allaamah ne to farmaayaa k:

“k shikasta ho to 'azeez-tar hai nigaah-e-aaiina_saaz meN” :hmmm:

7

Re: Aey Sarab Hasraton Ke Zara Baat Suntey Jaana

bhatti mein melt k baad hi pehly jaisa ho sakta hy...........

8

Re: Aey Sarab Hasraton Ke Zara Baat Suntey Jaana

:k:
Kuch khass tools darkaar hoty hyn…

9

Re: Aey Sarab Hasraton Ke Zara Baat Suntey Jaana

woh bhathi kahan se laon