Aey mohabbat
teri qismat
k tujhay muft milay hum say daana
jo kamalaat kia kartay thay
khushk mitti ko amaraat kia kartay thay
aey mohabbat
yeh tera bakht
k bin mol milay hum say anmol
jo heeron me tula kartay thay
hum say mo zor
jo bhonchal utha rakhtay thay
aey mohabbat meri
hum teray mujrim thehray
hum jaisay, jo logo say sawalat kia kartay thay
hum jo, so baton ki aik baat kia kartay thay
teri tehweel me anay say zara pehlay tak
hum bhi iss sheher me izzat say raha kartay thay
hum bigartay thay to kayi kaam bana kartay thay
AUR AB
teri sakhawat k ghanay sayay me
khalqat e sheher ko hum zinda tamasha thehray
jitnay ilzaam thay
maqsoom hamara thehray
AEY MOHABBAT
zara andaaz badal lay apna
tujh ko ayinda bhi ashiqon ka khoon peena hai
hum to mar jayengay, tujh ko magar jeena hai
AEY MOHABBAT
TERI QISMAT
K TUJHAY MUFT MILAY HUM SAY ANMOL
HUM SAY DANAA
