Aik Nazm,
Buhat Kuch Uss Se Kehna Hai
Buhat Saara Chhupana Hai
Usay Ek Din Batana Hai
Ke Teray Husn Ke Peechay
Meri Dewangi Ka Aik Qissa Hai
Teray Haathon, Teri Zulfon
Teray Honton Ki Surkhi Main
Mera Bhi Aik Hissa Hai
Usay Ek Din Batana Hai
Tumhari Unglion Ki Surkh* Poro’n Ko
Hatheli Ke Katoro’n Ko
Ye Meray Hont
Chhoonay Ki Hasrat Main Tarastay Hain
Kai Armaan Aankhon Se Barastay Hain
Buhat Saara Chhupana Hai
Magar Itna Batana Hai
Teri Aankhon Ki Galyon Main
Meray Dil Ka Thikana Hai
Ager Iss Baat Se Naraz Hota Hai
To Ho Jaye
Meri Raaton Ko Ashkon Main Dibo Jaye
Wo Kho Jaye
Magar! Itna To Ho Jaye
Kisi Iqdaam Se Pehle
Usay Main Yaad To Aaon
Kisi Bhi Naam Se Pehle
(Surkh* = RED)
Umeed Hai Aap Logon Ko Pasand Aye Gi..
Regards,