aik zamanay baad hum ko roshni achi lagi
saath ab wo hai to humko har khushi achi lagi
be-mani guftugo me b buhat israar hain
be-mani guftugo kartee hoi wo achi lagi
saath is k chaltay chaltay dur itnay a gaye
phir koi bhaya nahi bas wohi aik achi lagi
wo yeh kehti hai k itni khoobsurat me nahi
me yeh kehta hoon tumari saadgi achi lagi
me tootay lehjay me jab b baat karta hoon kabhi
phir muje wo hosla deti hoi achi lagi
baat kartay kartay jab khil-khila kar hans pari
shookhiyon say pur humein yeh hansi uski achi lagi
baatoon hi baaton me tang muje karti hai buhot
is tarah is ki ada mujko kuch aur b achi lagi
haiech is k saamnay sab hi rang duniya k lagay
sanwalay say rang ki larki bari achi lagi
mera khul k hansna is ko acha lagta hai buhot
jab b is nay yeh baat humko kahi achi lagi
chain ata hi nahi ab humko aik pal k liye
is ko bhi barhti meri dewangi achi lagi
is k mere darmiyan sey faslay mitnay lagay
pyaar ki barsaat mai wo bheegti achi lagi
is say mil kar khud say bhi humko muhabbat ho gayi
ab to apni hasti humko aur b achi lagi
ab kahan tak likhtay jaieyega hamari shaan me
ab bas karein na … ye kehti hoi achi lagi
jb say meri rooh me utri wo manindey ghazal
tab say humko apni shairee achi lagi
