**Abhi Wo Dard BaaQi Hai,
Agarche WaQt MarhaM Hai
Magar Kuch WaQt Lagta Hai,
Kisiko Bhool Jaane Mein,
Dobara Dil Basane Mein,
Abhi Kuch WaQt Lagta Hai,
Abhi Wo Dard BaaQi Hai…
Main Kaise Nayi Ulfat Mein Apni
Zaat Ko GuM Kar Dun,
Ke Mere JisM-O-Wajdaan Mein,
Wo Fard BaaQi Hai,
Abhi Us Shakhs Ki Mujhpar
Nigaah-E-Sard BaaQi Hai,
Abhi To IshQ Ke Raaston Ki
Mujh Par Gard BaaQi Hai
Abhi Wo Dard BaaQi Hai…
**
Neha