abhi toa khwab palkon per nahin bikhray
abhi alfaaz apna pairahan badlay nahin hein
abhi kuch lafz roshan jhilmilatay hein
vohi jo iss zameen per kuch adhooray khwab likhein gay
unhein tabeer bhi deingay
abhi umeed ka daman nahin choota
abhi sooraj chamakna janta hai
abhi taaray chamakna chahtay hein
abhi mahtaab pe girhan nahin thehra
abhi toa kuch nahin badla
abhi bhi yeh hawain geet gati hein
abhi bhi ye zameen sona ugalti hai
abhi dehqaan meethi neend sota hai
abhi bhi saiban bikhra nahin hai
abhi in sarhadon mein itni taqat hai
ke hum mehfooz reh paein zamanay ke hawadiss se
agar sooraj kabhi na dhoop de paey toa kya ghum hai
yeh mumkin hai koi abr-e-junoon paisha
usay dhanpay toa qatra hai aab utray
aur in sookhi zameenon ko bohat sairaab ker jaey
agarcheh bijliyan koondein toa dukh kaisa
dubara ashiyan tameer kernay ka hawala
hum nahin bhoolay
sunehray zard sooraj ka ujala hum nahin bhoolay
bazahir maanay mein kya burai hai
ke har khiltay saweray ko
andhairon ki zaroorat hai!
by:maheen sajid