**Abhi To Ishq Main Aisa Bhi Haal Hona Hai
Kay Ashk Rokna Tum Say Muhal Hona Hai **
**Her Aik Lab Per Hai Meri Wafa Ke Afsaany
Tere Sitam Ko Abhi LaaZawall Hona Hai **
**Milaingi Hum ko Apny Naseeb Ke khushian
Bas Intezar Hai Kab Yeh Kamal Hona Hai **
**Tumhay Khabar He Nahi Tum To Laut Jao Gay
Tumhary Hijr May Ek Lamha Saal Hona Hay **
**Kabhi To Roye Ga Wo Bhi Kisi Ke Banhoon May
Kabhi To Uske Hansi Ko Zawaal Hona Hay **
**Hamari Rooh Per Jab Bhi Azaab Utray Hain
Tumhari Yaad Ko Es Dill Ke Dhaal Hona Hay **
**Zammana Jis Ke Kham-O-Pech May Ulajh Jae
Hamari Zaat Ko Aisa Sawal Hona Hay **
Wasi Yakeen Hay Mujhko Wo Laut Ayega
Usay Bhi Apnay Kiye Ka Mallal Hona Hay