**Mujhe jo kuch bhi kehna thaa abhi mein keh nahe paya
Meri tehreer ki zadd mein abhi tu kuch nahe aaya
Abhi woh karb likhna hai jissay mehsoos karta hoon
Abhi woh khwaab likhnay hain jo in aankhoon mein paltay hain
Mujhe un ko bhi likhna hai jinhain mein dhoond na paaya
Abhi woh log likhnay hain jo kho kar hath maltay hain
Abhi woh ashk likhnay hain kabhi jo keh nahe paya
Meri tehreer ki zadd mein abhi tu kuch nahe aaya
Abhi tau mausamoon ki shokhiyaan tehreer karni hain
Uthanay hain abhi darya se mujh ko pyaas ke pehray
Abhi tu khushk pairoon per mujhe rim-jhim bhi likhni hai
Kaheen pe dhoop likhni hai kaheen pe tairgi chaaya
Meri tehreer ki zadd mein abhi tu kuch nahe aaya
Abhi tu mujh ko likhni hain kisi ki reshmi zulfain
Kisi ki surmageen palkain kisi ki aankh ka kaajal
Kisi ki un-kahi baatain macha dein dil mein jo halchal
Abhi woh sab bhi likhna hai jo mera ishq kehlaaya
Meri tehreer ki zadd mein abhi tu kuch nahe aaya
Abhi tu woh safar likhna hai jo darpaish hai mujh ko
Abhi tu tum ko apni pyaas ka sehra dikhaana hai
Abhi tu hijar ki likhni hain saari maatami raatain
Abhi tu aise lamhay bhi tumhein aa kar sunaanay hain
Ke jin se ashk aankhon mein magar is dil ko behlaaya
Meri tehreer ki zadd mein abhi tu kuch nahe aaya
Abhi se saath choray jaa rahe ho kis leye jaanaan
Abhi khul ke dil ka haal bhi tum ko na batlaaya
Meri tehreer ki zadd mein abhi tu kuch nahe aaya …
**
