idhar kuchh arse se aap kii Khidmat meN kuchh pesh nahiiN kar sakaa. aaj kuchh vaqt haath aayaa to kuchh ahbaab kii kaavishoN par naachiiz Khayaalaat darj kiye. aur ab ek Ghazal pesh kar rahaa huuN, jo haal hii meN huii hai. hasb-e-saabiq aap kii raae kaa intizaar rahegaa.
**
Ghazal
****ab vaqt bhii zaKhmoN ki davaa ho nahiiN saktaa
ye dard-e-vafaa dil se judaa ho nahiiN saktaa
kis saadah.dilii se mire mahbuub ne puuchhaa
kyaa naam jafaaoN kaa vafaa ho nahiiN saktaa?
qaasid ne kahaa, :aaj tire naam nahiiN kuchh:
ye sun ke mire dil ne kahaa, :ho nahiiN saktaa:
faulaad meN ik baar kahiiN zang lage to
vo rang badalne se nayaa ho nahiiN saktaa
insaan hii rahne do, farishtaa na banaao
maiN itnii bulandii pe khaRaa ho nahiiN saktaa
hotaa hai to ho jaaye zamaanaa ye muKhaalif
qismat meN nahiiN hai to buraa ho nahiiN saktaa
har Khaar rah-e-zeest kaa tabdeel ho gul meN
tai kar le jo insaan to kyaa ho nahiin saktaa
ye ishq kaa Gham sah ke to lagtaa hai ki :Waseem:
koii bhii alam is se baRaa ho nahiiN saktaa !!!
**
kis saadah.dilii se mire mahbuub ne puuchhaa
kyaa naam jafaaoN kaa vafaa ho nahiiN saktaa?
faulaad meN ik baar kahiiN zang lage to
vo rang badalne se nayaa ho nahiiN saktaa
hotaa hai to ho jaaye zamaanaa ye muKhaalif
qismat meN nahiiN hai to buraa ho nahiiN saktaa
ye ishq kaa Gham sah ke to lagtaa hai ki :Waseem:
koii bhii alam is se baRaa ho nahiiN saktaa !!!
Waseem Ahmed**
how dare u removed my reply 
chal koie baat nahi 