ab tum aaGosh-e-tassavvur me.n bhi aaya na karo

Arts & Culture Poetry ( Intikhaab & Sho'ra-e-Gupshup)
1

ab tum aaGosh-e-tassavvur me.n bhi aaya na karo
mujh se bikhray huay gesuu nahi dekhay jaatay
surKh aa.Nkho.n ki qasam, kaa.Npati palako.n ki qasam
thar-tharaatay huay aa.Nsuu nahi dekhay jaatay

ab tum aaGosh-e-tassavvur me.n bhi aaya na karo
chhooT jaanay do jo daamaan-e-vafa chhooT gaya
kyoN ye laGaziidaa-Kharaamii ye pashema’N-nazari
tum ne to.Daa nahi khud rishta-e-dil TuuT gaya

ab tum aaGosh-e-tassavvur me.n bhi aaya na karo
meri aaho.n se ye ruKhsaar na kumlaa jaaye.n
DhooNDti hogi tumhe.n ras me.n nahaee hui raat
jao kaliyaa.N na kahin sayj ki murjha jaaye.n

ab tum aaGosh-e-tassavvur me.n bhi aaya na karo
mein is ujDay huay pehluu me.n biThaa luu.N na kahi.n
lab-e-shiirii.n kaa namak, aariz-e-namakii.n ki miThaas
apane tarsay huay ho.nTo.n me.n chura luu.N na kahi.n

ab tum aaGosh-e-tassavvur me.n bhi aaya na karo …

2

Re: ab tum aaGosh-e-tassavvur me.n bhi aaya na karo

Barri aabla_pa qisam ki nazm hey. Style sey to lagta hey Sahir Ludhyanvi sahab ki tehreer lagti hey. :k: Thanx for sharing it with us aabla_pa.

3

Re: ab tum aaGosh-e-tassavvur me.n bhi aaya na karo

^^^** mujhe bhi aesa laga Amal :D**
bahot khuub surat hae aur aap ki orr se aesi ghazlein/nazmein mujhe achi lagti hae. I really enjoy ur "sad" threads :)- its definitely more you than ur funny ones. Acha abhi mind na kar lena. We know u love ur funny threads!

4

Re: ab tum aaGosh-e-tassavvur me.n bhi aaya na karo

^^^ Something pleasant in poetry forum. Otherwise, people have totally forget here how to comment properly in a thread. Jhanjharewali for setting an exmaple :flower1: