Ab kyoN maiN chalta jaata hooN?

Black_Mamba · September 29, 2003, 7:48am

Ab phir se maiN us rah pe hooN Koi Khushi nahiN koi gham bhi nahiN koi raaz nahiN, koi saaz nahiN Ik chup si hai, har dam aanchal maiN honay ka kuch ehsaas nahiN maiN hooN, to hooN kya? Aik yaar puraani In bhooli bisri yaadoN maiN Ab koi bhi jazbaat nahiN wo gham ka safar, so khushi ki rah maiN bhool chuka hooN ab unko meray dil maiN koi faryad nahiN Koi aas nahiN, koi chaah nahiN wo rah ke jis par chaltay hue maiN apni khuddi ke zo'am maiN mast ik aanchal sa lehraata tha ik nadya sa bal khatta tha gar phooloN par hotay thay qadam kaantoN se bhi bach na paata tha Uss rah ke khatroN se par maiN ik pal ko bhi na ghabraata tha par waqt ne mujh ko khof diya iss waqt ne mujh ko dar o khushi ke har jazbay se paak kiya Ab kya hooN maiN, KyonkarhooN maiN? Jab koi safar baaqi hi nahiN Jab koi mera rahbar hi nahiN phir kyoN maiN chalta jaata hooN? kyoNkar maiN ruk na paata hooN? Phir kyoN maiN chalta jaata hooN? ruknay ka mujhay ab khoof hai kyoN? Chalnay maiN jo ab raahat hi nahiN ab kiss ki khoj me hiaN ye qadam koi but bhi nahin, na koi sanam kyoNkar ye saansaiN chalti haiN? Ab kyoN maiN ruk na paata hooN?

MaiN jaan gaya, maiN maan gaya
MiaN apni khata pehchan gaya
main apnay safar maiN mast musafir
chalta raha bas chalta raha
kabhi raah maiN tinkay chun na saka
koi ghonsala ab, koi ghar hi nahiN.
maatha apna tekoN to kahaN?
jab aisa koi dar hi nahiN.
(Black Mamba)

Amarbail1 · September 29, 2003, 8:00am

Nice and Lovely …:k:

Black_Mamba · September 29, 2003, 8:06am

Thanks
Agar koi ghalti ho, to islah zaroor kijeye ga.

Golden_Scorpion · September 29, 2003, 9:44am

Oye Mambay.... Tussi te WaDay Shair Ho yar... :)

Its Gr8... Zabardast
Keep it Up.... :biggthumb

Swera · September 29, 2003, 3:26pm

very nice.......

system · September 30, 2003, 9:21pm

It’s really nice…

Azad · September 30, 2003, 9:25pm

Ab kyoN maiN chalta jaata hooN?
** Aik Bhi Bhoot Hay **

ASA · October 1, 2003, 12:50pm

maatha apna tekoN to kahaN?
jab aisa koi dar hi nahiN

maiN hooN na… kioN fikar karta hai

waisy bouhat nice… :k:

ghazal_kisi_ke · October 2, 2003, 12:34am

impressive:k::k:
thanx!

Black_Mamba · October 4, 2003, 7:37pm

ghazal kisi ke Thanks GKK
AsSweetAs Yaar teray saharay hi to jee raha hooN.
Azad
KhamoshNigahein Thanks KN
Swera Thanks Swera
Golden_Scorpion Yaar, ye Shair hi to maiN ban’na nahiN chahta, issi liye to regular shairi nahiN karta aur apnay paas save bhi nahiN karta, jo gayi so gayi.

Capricorn · October 4, 2003, 7:39pm

Nice Khamba jee :)

Black_Mamba · October 5, 2003, 8:43am

thanks brother.

And

After calling me Khamba… “Mujh se pehli si muhabbat meray mehboob na maang”.

cuteepie · October 5, 2003, 10:47am

:k:

system · October 7, 2003, 10:05am

very nice :)