***ab kia likhein hum kaghaz per? ******ab likhney ko kia baki hai ******
ik dil tha so ab toot gya
ab lutney ko kia baki hai
ik shakhs ko hum ney chaha tha
kuch rait per naqsh banaya tha
un rait k raizo.n ko hum ney
dil mein bhi apney sajaya tha
woh rait to kab ki bikher gai
woh naqsh kahan ab baki hey?
woh jin ko hum apni nazmo.n ka
unwa.n banaya kertey they
woh lafzo.n ka bana key taj mehal
kaghaz pe sajaya kertey they
woh hum ko akaila chhor gya
sab rasto.n se munh morr gya
woh rastey sarey soney hein
woh pyar kahan ab baki hai?
***ab kia likhein hum kaghaz per?
ab likhney ko kia baki hai?
