ab ke barsat ki rut...

Arts & Culture Poetry ( Intikhaab & Sho'ra-e-Gupshup)
1

ab ke barsat ki rut aur bhi bhaRkili hai
jism se ag nikalti hai, qaba gili hai

sochata hoN ke ab anjam-e-safar kia hoga
log bhi kaaNch ke hain, rah bhi patharili hai

shidat-e-karb mein to haNsna karb hai mera
hath hi saKht hain zanjir kahaN dhili hai

gard aNkhon mein sahi daaG to chehre pe nahi
lafz dhuNdhale hain magar fikr to chamakili hai

ghol deta hai sama’at mein wo miTha lahaja
kis ko maloom ke ye qind bhi zeharili hai

pehlay rag-rag se meri Khoon nichoRa us ne
ab ye kahata hai ke rangat hi meri pili hai

mujha ko be-rang hi na kar de kahin rang itne
sabz mausam hai, hawa surKh, fiza nili hai

meri paravaz kisi ko nahi bhaati to na bhaye
kya karuuN zehan “Muzaffar” mera jibarili hai

2

Re: ab ke barsat ki rut...

kia asee koe ghazal PARVEEN SHAKIR k bhi hi?

3

Re: ab ke barsat ki rut…

Bohat Khoob Innocent Smile..:k:

4

Re: ab ke barsat ki rut...

yaad agae hi kisi ne yi ghazal gaae hue hi
vohi hi jo mi soch rahi the

5

Re: ab ke barsat ki rut...

Bay zubaan logon ko
Baqarar ankhoon ko
Badnaseeb qadmoon ko
Jis tarf bhi lay jain
Rastoon ki marzi hay

Bay nishan jazeeron per
Bad guman shehroon main
Bay zubaan musafir ko
Jis tarf bhi bhatka dain
Rastoon ki marzi hay

Ajnabi koi laa kr
Hum safar bana dalain
Saath chalny waloon ki
Raakh bhi urra dalain
Ye musaaftain sari
Khaak main milla dalain
Rastoon ki marzi hay

Rook lain ya barhnay dain
Thaam lain ya girnay dain
Wasal ki lakiroon ko
Tor dain ya milnay dain
Rastoon ki marzi hay