ab kay chup chaap chalay jaaen gay jaanay waalay
na fughaan ho gee na hi shorr machaanay waalay
ab kay gulshan mein ajab khoon ki baarish ho gee
raakh ho jaaen gay sub aag lagaanay waalay
main sarr-e-hashr tera naam pukaaroon ga kabhi
meray qaatil, ae mery raakh bahaanay waalay
khud ko har baar bulandi say main girta dekhoon
jub bhi yaad aaen mujhay loag uthaanay waalay
ishq hai, behr nahin, aass kinaaray ki na rakh
doob jaaen gay sabhi taer kay jaanay waalay
mery aankhon ko koi khaawb thamaatay jao
mujh ko neendon say sarr-e-shaam jagaanay waalay !!!