ab ke rut badalii to Khushbuu kaa safar dekhegaa kaun
zaKhm phulon ki tarah mahaken gy par dekhegaa kaun
dekhanaa sab raqs-e-bismal mein magan ho jaayen gy
jis taraf se tiir aayegaa udhar dekhegaa kaun
vo hawas ho yaa wafa ho baat mahroomi ki hai
log to phal-phul dekhen gy shajar dekhega kaun
hum chiraaG-e-shab hi jab thehry to phir Kya sochna
raat thi kis kaa muqaddar aur sehar dekhega kaun
aa fasiil-e-shahar se dekhen Ganiim-e-shahar ko
shehar jalata ho to tujh ko baam par dekhega kaun