ab bhalaa chhoR ke ghar kyaa karte by Parvin Shakir

Arts & Culture Poetry ( Intikhaab & Sho'ra-e-Gupshup)
1

I love this ghazal whenever i read this and hope you like it too.

ab bhalaa chhoR ke ghar kyaa karte
shaam ke vaqt safar kyaa karte

terii masruufiyateN jaante the
apne aane kii Khabar kyaa karte

jab sitaare hii nahiiN mil paaye
le ke ham shams-o-qamar kyaa karte

vo musaafir hii khulii dhuup kaa thaa
saaye phailaa ke shajar kyaa karte

Khaak hii avval-o-aaKhir thahrii
kar ke zarre ko gauhar kyaa karte

raaye pehle se hii banaa lii tuune
dil meN ab ham tere ghar kyaa karte

ishq ne saare saliiqe bakhshe
husn se kasb-e-hunar kyaa karte

2

Re: ab bhalaa chhoR ke ghar kyaa karte by Parvin Shakir

**bahot umda Ghazal se nawaaza hai aapne aur aapkaa shukria.

ek dusrii site par merii ek ham-poster thiiN Ayesha "Anmol" ... unhoN ne bhii ek Ghazal aisii hii kahii thii jo mujhe bahot pasand aayii thii. aap bhii mulaaHizah farmaaiye:****

Muhabbat ke anokhe they sabhi andaaz, kya karte?
Rahay hum bhi gurezaaN, aap bhi naaraaz, kya karte?

Sanam tujh se muhabbat ka bhala aaghaz kya karte
laboN per baat ayi, par na thi awaaz kya karte?

Mire aihbaab kyaa karte, mire dam-saaz kyaa karte?
Mujhe jab dard hi tha raas, chaara-saaz kya karte?

Hujoom-e-shehr me hum kho gaye kuch chain paane ko
Akele me satati thi tiree awaz kya karte?

Dil-e-naazuk hamara us ne pal me torr dala tha
Usey bhaati thi TooTe kaanch ki awaaz, kya karte?

Ham us ke saamne chup saadh kar baiThaa kiye, phir bhi
"Jafaa-kaarii se pesh aaya woh heelaa-saaz, kyaa karte?"

Saja kar sau tabassum aik ghum tum se chupati thi
Magar *"ANMOL"* ke tum jaan kar woh raaz, kya karte?**

3

Re: ab bhalaa chhoR ke ghar kyaa karte by Parvin Shakir

nice ghazals
but yeh thread "intikhab" me hona chahye

4

Re: ab bhalaa chhoR ke ghar kyaa karte by Parvin Shakir

Wak kya bat hy G.

5

Re: ab bhalaa chhoR ke ghar kyaa karte by Parvin Shakir

bht khooooooob ghazals :lajawab: