Kyu’n Trey Saath Rahei’n Umr Basar Honey Tak ?
Ham Na Dekhei’n Gey Imaarat Ko Khandar Honey Tak
Tum To Darwaaza Khula Daikh Key Dar Aaey Ho
Tum Ney Dekha Nahi’n Deevaar Ko Dar Honey Tak
Chup Rahei’n ? Aah Bharei’n ? Cheekh Uthei’n ? Yaa Mar Jaaei’n ?
Kya Karei’n, Bey-Khabaro ! Tum Ko Khabar Honey Tak ?
Ham Pey Ker Dhyaan, Arey Chaand Ko Takney Waaley !
Chaand Key Paas To Mohlat Hey Sahar Honey Tak
Haal Mat Poochhiey, Kuch Baatei’n
Btaaney Ki Nahi’n
Bas Dua Keejey Duaao’n Mei’n Asar Honey Tak
Sag-e-Aawaara Key Maanind Muhabbat Key Faqeer
Dar-ba-Dar Hotey Rahey Shehr-Badar Honey Tak
Aap Maali Hei’n Na Sooraj Hei’n Na Mosam, Phir Bhi
Beej Ko Dekhtey Rehiey Ga Samar Honey Tak
Dasht-e-Khaamosh Mei’n Dam Saadhey P’raa Rehta Hey
Paao’n Ka Pehla Nishaa’n Raah-Guzar Honey Tak
Faani Honey Sey Na Ghabraaiey Faris K Hamei’n
An-Ginat Martaba Mrnaa Hey Amar Honey Tak