**
Jo kuch hum sochtay hain
Woh hamesha tu nahee hota
Kabhi aisa bhi hota hai
Wafaoon ke musafir
Bewafaee ke ik aisi rehguzar pe chalne lagtay hain
Jahaan se kaut aane ka koi rusta nahee hota
Kabhi aisa bhi hota hai
Ke munzil tu nigah mein hai
Koi rusta nahee milta
Ke tabee’rain tu hoteen hain
Magar sapnay nahee hotay
Bahut se ghair hotay hain
Bas apne hi nahee hotay
Hazaroon ghar tu hotay hain
Koi insaan nahee hota
Hamara dil tu hota hai
Koi mehmaan nahee hota
Kabhi aisa bhi hota hai
Maseeha dard detay hain
Aur rehbar loot letay hain
Khushi maatam kunaa’n hoti hai
Aansoo muskuratay hain
Gulloon ke patee’yaan
Hathoon ko aise chalne karti hain
Chupa letay hain apna munh bhi
Kaantay sharam ke maaray
Ghannay pairooon ke saaye
Dhoop se bhi garam lagtay hain
Haseen mausam chehray is tarha dukh detay hain
Yaqeen insaan ka insaan se phir uthne lagta hai
Kabhi aisa bhi hota hai
Ke sadeyoon ke shanaasa
Ajnabi se lagne lagtay hain
Kisi ke pyar ki khushboo
Kisi ke husn ka jadoo
Yeh sab yun achanak bay-assar sa hone lagta hai
Ke jaisay khwaab thaa sab kuch
Kabhi aisa bhi hota hai
Ke rishtay toot jatay hain
Muhabbat nafratoon ke beej boti hai
Murrawwat munh chuppati hai
Ujaaloon ko barhanay se andhairay phail jatay hain
Yeh sab ander ka mausam hai
Agar yeh theek ho
Tu phir yun hota hai
Ke sab kuch theek lagta hai
Magar phir bhi
Jo kuch hum sochtay hain
Woh hamesha tu nahee hota
**
