*Dil ki seyaheyoon mein tujhe dhoondta huwa
Palkoon pe aa ruka hai sitaroon ka qaafila
Khalvat mein mudatoon mein jissay poojta raha
Dekha qareeb se tu woh ek sang-e-surkh thaa
Kuch is tarah saba se kahi teri daastaan
Har phool muskura ke mujhe dekhne laga
Lao kaheen se dhoond ke yadoon ki raushni
Tareek hogaya hai muhabbatoon ka raasta
Haan meri zindagi ki haraarat inheen se hai
Tooteyga kis tarah teri yaadoon ka silsila
Jaise koi chiraag andhere mein jal utthay
Dil ke qareeb aa ke koi yun thehar sa gaya
Daaman mein aanso'oun ke shararay leye huwe
Aankhain mana rahi hain shab-e-gham ka rat-jaga...*
excellent !
TajMahal Thanks :)