Aankhain khuli rahain gi toh manzar bhi ayengaye
Zinda hai dil toh aur sitamgarr bhi ayengaye
Pehchaan lo tamaam faqeeron kay khadd-o-khaal
Kuch log shab ko bhais badal kar bhi ayengaye
Gehri khamosh jheel kay paani ko yun na chaidh
Cheenthay uray toh teri qaba par bhi ayengaye
Khud ko chhupa na sheesha garon ki dukhaan mai
Sheeshay chamak rahey hain toh pathar bhi ayengaye
Aye shehr yaar dasht say fursat nahi magar
Niklay safar pay hum toh teray ghar bhi ayengaye
Mohsin abhi saba ki sakhawat pay khush na ho
Jhonkay yehi basoorat-e-sarr sarr bhi ayengaye