[thumb=E]rosestop1961_7256682.JPG[/thumb]
**AaNkhaiN haNs rahi haiN aur dil udaas hay
Bujh kar na bujh sakay yeh kaisi piyas hay
Visaal kay mausam meN bhi ab milnay na aaya kar
Is dil ko ab hijr ka mausam hi raas hay
BeTha raha raat gay’e tuk diya jala kay
Sha’ed is dil ko taray aanay ki aas hay
Teray vajood ki mahak hay, keh aayi bahaar hay
Ya kamray meN abhi tuk unhi phooloN ki baas hay
Aaja keh is chaman meN bahar aayi hay
Phool khil uThay haiN shabnam say, bhigi si ghaas hay
Woh janta bhi hay aur samajhta bhi hay mujhay
Woh bohat mauqa faham hay aur khud shanaas hay
**