Aankh mein khwaab nahee, khwaab ka saani bhi nahee
Kunj-e-lab mein koi pehli si kahaani bhi nahee
Dhoondta phirta hoon ek shehar-e-takhayyul mein tujhe
Aur mere paas tere ghar ki nishaani bhi nahee
Baat jo dil mein dharakti hai muhabbat ki tarha
Us se kehni bhi nahee us se chuppaani bhi nahee
Aankh bhar neend mein kya khwaab samatain ke abhi
Chaandi raat nahee, raat ki raani bhi nahee
Laila-e-Husn, zara dekh tere dasht nizaad
Sar-ba-sar khaak hain aur khaak uraani bhi nahee
Katchay eendhan mein sulaghna hai aur is shart ke sath
Taiz karni bhi nahee aag bhujaani bhi nahee
Ab tu yun hai ke tere hijar mein rone ke liye
Aankh mein khoon tu kya khoon sa paani bhi nahee
